کہتے ہیں عشق نہ پوچھے ذات۔ یہ محاورہ لندن کی کرسٹینا کو دیکھ کر سچ معلوم ہونے لگتا ہے جنھوں نے محبت کی خاطر اپنا دیس چھوڑ دیا اور میاں چنوں آ کر بس گئیں۔

کرسٹینا اور محمد اعظم کے مطابق دونوں کی دوستی ڈیڑھ سال پہلے فیس بک پر ہوئی۔ کرسٹینا رومانیہ نژاد ہیں اور لندن میں رہتی تھیں جبہ محمد اعظم خانیوال کی تحصیل میاں چنوں میں رہتے ہیں۔ زبان اور مشرق مغرب کا فرق ہونے کے باوجود دونوں کی محبت پروان چڑھتی رہی جس کے بعد دونوں نے شادی کرنے کی ٹھانی۔

کرسٹینا کا نیا اور اسلامی نام

محمد اعظم نے شادی کرنے سے پہلے کرسٹینا کو اسلام قبول کرنے کا مشورہ دیا جس کے بعد کرسٹینا نے اسلام کا مطالعہ کیا اور مسلمان ہوگئیں۔ ان کا نیا اور اسلامی نام ایمان فاطمہ ہے۔

کرسٹینا کی پاکستان کے بارے میں کیا رائے ہے؟

محمد اعظم اپنی محبت پا کر بے حد خوش ہیں جبکہ ان کی وادہ بھی لندن کی گوری بہو پا کر بے حد خوش ہیں۔ ایمان فاطمہ کا کہنا ہے کہ پاکستان اور پاکستانی لوگ انھیں بے حد پسند آئے ہیں اور وہ یہیں رہنا چاہتی ہیں۔