سیاسی داؤ پیچ میں نقصان ہمیشہ غریب عوام کے حصے میں ہی آتا ہے۔ ایسا ہی کچھ ہوا کانسٹیبل لیاقت علی کے ساتھ جو لانگ مارچ میں اپنی ڈیوٹی انجام دیتے ہوئے جان کی بازی ہار گئے۔

اکلوتی بیٹی صرف 7 برس کی ہے

سوشل میڈیا پر جاری خبروں کے مطابق مرحوم کانسٹیبل لیاق علی کا انتقال دوران ڈیوٹی دل کا دورہ پڑنے سے ہوا۔ جبکہ مرحوم کے 4 بچے 3 بیٹے اور ایک بیٹی تھے۔ بیٹی کی عمر 7 سال بتائی جارہی ہے۔

پولیس میں ڈرائیور تھا

شیخوپورہ مرید کے لانگ مارچ میں لیاقت علی قافلے کے ساتھ سفر کررہے تھے اور پولیس میں ڈرائیور کی نوکری سے وابستہ تھے۔واضح رہے آج اس سے قبل خاتون صحافی صدف نعیم بھی لانگ مارچ کی رپورٹنگ کرتے ہوئے کنٹینر سے گر کر جاں بحق ہوچکی ہیں۔