کیا مالٹے کے شوقین افراد کو اس کے یہ 6 فائدے بھی معلوم ہیں!

مالٹے کا شمار ان پھلوں میں ہوتا ہے جنہیں سردیوں کے موسم میں سب سے زیادہ پسند کیا جاتا ہے۔ اور آپ یہ نہیں جانتے ہوں گے کہ موسمِ سرما کے پھلوں کا بادشاہ مالٹوں کو کہا جاتا ہے۔ یہ پھل اس قدر میٹھا اور ذائقے دار ہوتا ہے کہ اسے تمام عمر کے افراد کی جانب سے پسند کیا جاتا ہے۔ مالٹا نہ صرف ذائقہ دار اور رس سے بھرپور ہوتا ہے بلکہ اس میں ایسے مفید طبی اجزاء پائے جاتے ہیں جو کہ صحت کے لیے نہایت مفید تصور کیے جاتے ہیں۔

مالٹا موسمِ سرما ایک انتہائی مزیدار پھل ہے جسے بچے ہوں یا بڑے ہر عمر کے افراد شوق سے کھاتے ہیں- لیکن یہ مزیدار ہونے کے ساتھ ساتھ متعدد طبی فوائد کا حامل پھل بھی ہے- ایک عام اندازے کے مطابق ایک مالٹے میں چھیاسٹھ کیلوریز، چھیاسی فیصد پانی، ایک گرام سے زائد پروٹین، پندرہ گرم کاربز، بارہ گرام شوگر، تین گرام فائبر، تقریباً زیرو گرام فیٹ، بانوے فیصد وٹامن سی، نو فیصد فولیٹ، پانچ فیصد کیلشیم، اور پانچ فیصد پوٹاشیم شامل ہے۔

کولیسٹرول اور ہائی بلڈ پریشر:

مالٹا کولیسٹرول کو نارمل رکھنے کے اور ہائی بلڈ پریشر کو قابو میں رکھنے میں مددگار ثابت ہوتا ہے- اپنی روزمرہ کی خوراک میں مخصوص پھل شامل کر کے ہم کئی بیماریوں سے دور رہ سکتے ہیں-

ہاضمے کا نظام:

مالٹا قدرت کا ایک ایسا انمول تحفہ جو نظامِ انہضام کو صحت مند رکھنے کے حوالے سے انتہائی مددگار ثابت ہوتا ہے- بہترین ہاضمہ ایک صحت مند زندگی کی علامات تصور کیا جاتا ہے-

قبض:

قبض کا مرض اکیلا نہیں آتا بلکہ اپنے ساتھ کئی امراض کو دعوت بھی دیتا ہے لیکن اگر آپ مالٹے کو پھوک سمیت کھانے سے آپ قبض سے محفوظ رہ سکتے ہیں-

اضافی وزن:

وزن کم کرنے کے خواہشمند افراد کے لیے مالٹا موسمِ سرما کی بہترین سوغات ہے کیونکہ یہ پھل موٹاپا کم کرنے میں ان افراد کی مدد کرسکتا ہے-

چمکدار رنگت:

مالٹے کھانے سے آپ کے چہرے کی رنگت نکھر سکتی ہے اور اس سے آپ طویل مدت تک جوان نظر آسکتے ہیں یعنی مالٹا بڑھاپے کے اثرات ظاہر ہونے میں تاخیر کا سبب بنتا ہے-

مسوڑھوں سے خون:

مالٹے کا جوس پینے سے مسوڑھوں سے خون آنے کی شکایت سے نجات مل سکتی ہے- اس لیے ضروری ہے کہ اس بیماری میں مالٹے کے جوس کا استعمال کر کے بھی دیکھیں-