جھومر، جھمکے اور گلے کے ہار کی جگہ بھی ٹافیاں۔۔ چاکلیٹ سے سجی بھارتی دلہن کی ویڈیو سوشل پر وائرل
شادی کے موقع پر سجنا سنورنا ہر دلہن کا ارمان ہوتا ہے اور کئی بار تو ایسا بھی ہوتا ہے کہ میک کے بعد دلہن کا رنگ روپ کی بدل جاتا ہے اور دلہنیں شادی کے اس موقع پر الگ نظر آنے کیلئے مہینوں تیاریاں کرتی ہیں، ایسی ہی ایک دلہن کی ویڈیو اس وقت سوشل میڈیا پر وائرل ہے۔
خواتین بناؤ سنگھار کیلئے ہمیشہ سے جنونی رہی ہیں، اگر کسی دعوت یا شادی میں جانا ہو تو اس وقت ان کی تیاری عروج پر ہوتی ہے۔
خواتین تیار ہونے میں گھنٹوں لگاتی ہیں لیکن پھر بھی تیاری ختم ہونے میں نہیں آتی اور جہاں بات اپنی شادی کی ہو تو لڑکیاں کئی روز پہلے ہی میک اور کپڑوں کے علاوہ منفرد نظر آنے کیلئے طرح طرح کے حربے استعمال کرتی ہیں۔
سوشل میڈیا پر ان دنوں ایسی ہی ایک ویڈیو وائرل ہورہی ہے جس میں ایک دلہن نے جھومر، جھمکے اور گلے میں بھی چاکلیٹ اور ٹافیوں سے بنا ہوا ہار پہنا ہے، سوشل میڈیا پر وائرل اس ویڈیو کو لاکھوں لوگ دیکھ چکے ہیں۔
